AMAREN besta Maiatzean den, XALBADORREN "Haur batek bere Amari" kantutik zonbait bertsu...

Ama, zuretzat ekarri ditut liliak ;
Zuri pentsatuz hautatu ditut xuriak.
Bertze hok aldiz, kolorez gorri biziak,
Zuretzat dutan maitasuna iduriak.

Gau eta egun hitz hok gogoan dabiltzat :
O, Jainkoa zoin ona izan den enetzat !
Aitari ere esker beroak diozkat,
Enetako zu hautaturikan amatzat.

Ama, zu zira ene aberastasuna,
Ene naigaben ezeztatzen dakizuna ;
Botere hori zuk bakarrik daukazuna,
Nehorek ezin ordainduzko ontasuna.

Ene izarra zaren ama amultsua,
Beira nitarik esker gabeen kutsua,
Bizi guzian gaurkoa bezain kartsua
Izan dadien gure arteko musua